‘मास्टर Stroke’ उपचारामुळे जीव वाचला; अपंगत्वाचा धोका टळला

मुंबई :

मुंबईतील ५३ वर्षीय व्यक्तीसाठी एक साधा दिवस अचानक भयावह ठरला, जेव्हा बाजारात असताना त्यांना अचानक स्ट्रोक आला. काही सेकंदांतच त्यांच्या शरीराचा उजवा भाग बधीर झाला आणि बोलण्याची क्षमता बाधित झाली. सुदैवाने त्यांना वेळेत रुग्णालयात दाखल करण्यात आले आणि डॉक्टरांनी अवघ्या ३० मिनिटांत अँजिओप्लास्टी केली.

तत्काळ स्ट्रोकची ओळख करून धमनीत स्टेंट बसवून ब्लॉकेज काढण्यात आले. डॉक्टरांच्या मते, गोल्डन अवर्समध्ये रुग्णालयात पोहोचणे आणि त्वरित उपचार मिळणे हेच ‘मास्टर स्ट्रोक’ ठरले. चालू असतानाच रुग्णाच्या तक्रारी कमी झाल्या, मेंदूवरील गंभीर परिणाम टळले, जीव वाचला आणि शरीराच्या प्रभावित भागात पुन्हा हालचाल सुरू झाली.

पश्चिम उपनगरात राहणारे मनीष उपाध्याय यांनी सांगितले की, त्यांच्या खांद्याला त्रास होता, ज्यासाठी फिजिओथेरपी सुरू होती. फिजिओथेरपी करून ते घरी आले आणि नंतर पत्नीसमवेत गाडीने ग्रँट रोडला गेले. तिथे अचानक त्यांच्या शरीराचा एक भाग बधीर झाला आणि ते खाली पडले. आजूबाजूच्या लोकांनी त्यांना सर एच.एन. रिलायन्स फाउंडेशन रुग्णालयात दाखल केले. रुग्णालयात पोहोचताच डॉक्टरांनी त्यांना स्थिर केले आणि त्वरित MRI केले, ज्यातून इलेक्ट्रिक स्ट्रोकची पुष्टी झाली. न्यूरो इंटरव्हेन्शनल सर्जरी विभागाचे संचालक डॉ. विपुल गुप्ता यांनी सांगितले की, स्ट्रोक आल्यावर काही मिनिटांच्या गोल्डन कालावधीत रुग्णालयात आणले जाणे आणि त्वरित मेंदूच्या मुख्य धमनीत स्टेंट बसवून रक्तप्रवाह पूर्ववत करणे ही अत्यंत दुर्मिळ बाब आहे.

ते पुढे म्हणाले की, अनेक वेळा रुग्ण वेळेत रुग्णालयात पोहोचत नाहीत, त्यामुळे पूर्ण रिकव्हरी होत नाही. या प्रकरणात मेंदूला रक्तपुरवठा करणाऱ्या मुख्य धमनीच्या भिंतीतील आतील पर्त फाटली होती. त्यामुळे रक्त त्या पर्तांमध्ये साचले आणि तिथेच ब्लॉकेज तयार झाले, ज्यामुळे स्ट्रोक आला. सर्वात दिलासादायक बाब म्हणजे, इंटरव्हेन्शनदरम्यानच रुग्णाने हालचाल सुरू केली आणि दुसऱ्या दिवशी सकाळपर्यंत तो सामान्यपणे बोलू लागला.

डिस्चार्जपूर्वीच्या MRI मध्ये मेंदूचा बहुतेक प्रभावित भाग बरा झाल्याचे दिसून आले. अवघ्या ३० ते ३२ मिनिटांत संपूर्ण प्रक्रिया पूर्ण झाली. डॉ. मनीष छाबडिया, सीनियर कन्सल्टंट, न्यूरोलॉजी, सर एच.एन. रिलायन्स फाउंडेशन हॉस्पिटल यांनी सांगितले. उजव्या हात आणि पायात अचानक कमजोरी, उजव्या बाजूचा चेहरा वाकडा झाल्याने पूर्णपणे बोलता न येणे अशा लक्षणांसह रुग्ण आमच्याकडे आला होता. लक्षणे सुरू झाल्यानंतर अवघ्या २० मिनिटांत तो आमच्या रुग्णालयात पोहोचला. आम्ही त्वरित क्लिनिकल तपासणी केली आणि MRI व अँजिओग्राफीद्वारे त्याच्या डाव्या कॅरोटिड धमनीतील ब्लॉकेजमुळे इस्कीमिक स्ट्रोक झाल्याचे निदान झाले.

हेही वाचा : Tata Mumbai Marethon : रिलायन्स हॉस्पिटल वैद्यकीय भागीदार

आम्ही लगेच क्लॉट-बस्टिंग इंजेक्शन दिले आणि त्याला न्यूरो-इंटरव्हेन्शनल सर्जरी टीमकडे रेफर केले. त्यानंतर त्याला कॅथ लॅबमध्ये नेण्यात आले, जिथे कॅथेटरच्या मदतीने अडलेली व डिसेक्टेड धमनी उघडून थ्रोम्बेक्टॉमी करण्यात आली आणि स्टेंट बसवण्यात आले. आमच्या संपूर्ण टीमच्या जलद आणि समन्वयित कृतीमुळे रक्तप्रवाह पुन्हा सुरू झाला आणि एका दिवसातच त्याच्या हात-पायांच्या हालचाली व बोलण्याची क्षमता सुधारू लागली. पुढील दोन दिवसांत त्याची न्यूरोलॉजिकल कमतरता पूर्णपणे दूर झाली.”