Journalism Award : देवर्षि नारद पत्रकारिता सन्मान २०२६ जाहीर

मुंबई :

प्रतिष्ठित ‘देवर्षि नारद पत्रकारिता सन्मान २०२६’ पुरस्कारांची घोषणा ३० एप्रिल २०२६ रोजी विश्व संवाद केंद्र, मुंबई यांच्या वतीने करण्यात आली. सन्मान समितीचे संयोजक डॉ. निशीथ के. भांडारकर यांनी यंदाच्या मानकरी पत्रकारांची अधिकृत घोषणा केली.

यंदाच्या वरिष्ठ पत्रकार श्रेणीत राकेश त्रिवेदी (टाइम्स नाउ नवभारत) यांच्यासह मिलिंद बल्लाळ (ठाणे वैभव), जितेंद्र दीक्षित (एनडीटीव्ही) आणि डॉ. मयूर परिख यांची त्यांच्या उल्लेखनीय कार्यासाठी निवड करण्यात आली आहे. यावर्षीचा जीवनगौरव सन्मान ज्येष्ठ पत्रकार गणेश (भाऊ) तोरसेकर यांना प्रदान करण्यात येणार असून, त्यांनी दीर्घकाळ पत्रकारिता क्षेत्रात महत्त्वपूर्ण योगदान दिले आहे.

Journalism Award : ९ मे रोजी मुंबई येथे आयोजित

सन्मान समितीचे संयोजक डॉ. भांडारकर यांनी सांगितले की, ‘देवर्षि नारद पत्रकारिता सन्मान’ यंदा आपल्या २६व्या वर्षात प्रवेश करत आहे. आद्य पत्रकार देवर्षि नारद यांच्या जयंतीनिमित्त हा सन्मान दरवर्षी प्रदान केला जातो. राष्ट्रहित आणि समाजहित यांचा समतोल साधत निष्पक्ष व जबाबदार पत्रकारिता करणाऱ्या पत्रकारांना ओळख देणे हा या सन्मानामागील प्रमुख उद्देश आहे. हा सन्मान सोहळा ९ मे रोजी मुंबई येथे आयोजित करण्यात येणार असून, विविध क्षेत्रांतील मान्यवर या कार्यक्रमाला उपस्थित राहणार आहेत.

हेही वाचा : Mumbai University : रसायनशास्त्र विभागातील अभ्यासक्रमाची नोंदणी सुरू

वेगाने बदलणाऱ्या मीडिया क्षेत्रात, जिथे विश्वसनीयता आणि निष्पक्षतेवर सातत्याने प्रश्न उपस्थित होतात, अशा काळात हा सन्मान पत्रकारितेच्या मूलभूत मूल्यांना पुनर्स्थापित करण्यासाठी आणि त्यांना प्रोत्साहन देण्यासाठी महत्त्वपूर्ण मानला जात आहे.