विक्रोळीत आजपासून आमदार चषक Kabaddi स्पर्धेचा थरार
मुंबई –
क्रीडाप्रेमींना कबड्डीचा थरार अनुभवण्याची संधी देणारी आमदार चषक कबड्डी स्पर्धा आजपासून विक्रोळी पूर्व येथे रंगणार आहे. Sunil Raut यांच्या पुढाकाराने आयोजित करण्यात आलेल्या या स्पर्धेत राज्यभरातील नामांकित पुरुष व महिला संघ सहभागी होत असून, बक्षिसांच्या मोठ्या रकमेने स्पर्धेचे आकर्षण अधिक वाढले आहे.
हिंदुहृदयसम्राट Bal Thackeray यांच्या जन्मशताब्दी वर्षानिमित्त या स्पर्धेचे आयोजन करण्यात आले आहे. १८ ते २१ एप्रिलदरम्यान विक्रोळी पूर्वेतील टागोर नगर येथील डॉ. बाबासाहेब आंबेडकर उद्यानात कबड्डीच्या चढाया आणि पकडींचा थरार अनुभवायला मिळणार आहे.
विजेत्या Kabaddi संघाला २ लाखांचे बक्षीस
या स्पर्धेत राज्यातील १६ व्यावसायिक पुरुष संघ आणि १५ महिला संघ सहभागी होत आहेत. पुरुष गटातील विजेत्या संघाला २ लाख रुपये, उपविजेत्याला दीड लाख, तर उपांत्य फेरीत पराभूत संघांना प्रत्येकी पाऊण लाख रुपयांचे पारितोषिक दिले जाणार आहे. महिला गटात विजेत्याला १ लाख, उपविजेत्याला पाऊण लाख आणि उपांत्य फेरीतील संघांना ३५ हजार रुपयांचे बक्षीस जाहीर करण्यात आले आहे.
दोन मॅटवर होणार kabaddi सामने
स्पर्धेतील सर्वोत्तम खेळाडूंना मोटार बाईक आणि स्कूटी देण्याची विशेष योजना असल्याने खेळाडूंमध्ये उत्साहाचे वातावरण आहे. या स्पर्धेत मुंबईसह उपनगर, ठाणे, पुणे, नंदुरबार, रायगड आणि नवी मुंबई येथील बलाढ्य संघ सहभागी होणार असून, दोन मॅटवर सामने खेळवले जाणार आहेत.
प्रो कबड्डीतील ३० खेळाडू होणार सहभागी
स्पर्धेचे आणखी एक वैशिष्ट्य म्हणजे प्रो कबड्डीतील सुमारे ३० आघाडीचे खेळाडू या स्पर्धेत सहभागी होणार आहेत. Pankaj Mohite, Shubham Shinde, Ajinkya Pawar, Aslam Inamdar यांसारखे नामांकित खेळाडू आपल्या दमदार खेळाने प्रेक्षकांचे मनोरंजन करणार आहेत.
दरम्यान, Indian Premier Leagueच्या सामन्यांचा उत्साह सुरू असतानाच या कबड्डी स्पर्धेमुळे क्रीडारसिकांना दुहेरी आनंद मिळणार आहे. आयोजकांच्या मते, या स्पर्धेमुळे स्थानिक आणि व्यावसायिक कबड्डीला चालना मिळेल, तसेच नवोदित खेळाडूंना आपली क्षमता दाखवण्याचे व्यासपीठ मिळणार आहे. विक्रोळीतील क्रीडानगरीत सज्ज झालेल्या या स्पर्धेकडे कबड्डीप्रेमींचे लक्ष लागले असून, पुढील चार दिवसांमध्ये रंगतदार आणि चुरशीचे सामने पाहायला मिळणार आहेत.
